Беларус Ігар Бокій заваяваў бронзавую ўзнагароду на Паралімпійскіх гульнях у Рыа-дэ-Жанэйра.
У фінальным заплыве на дыстанцыі 100 м брасам ён паказаў час 1 мін 06,71 сек. Вышэй у падагульняючым пратаколе размясціліся Аляксей Фядына з Украіны і Фірдаўсбек Мусабекаў з Узбекістана, якія паказалі аднолькавы рэзультат - 1 мін 04,94 сек.
Для Ігара Бокія бронзавая ўзнагарода стала трэцяй. Раней беларус перамагаў на дыстанцыях 100 м батэрфляем і 200 м комплексным плаваннем. Усяго ж у актыве атлета-паралімпійца ўжо дзевяць узнагарод. Чатыры гады таму ў Лондане ён заваяваў пяць залатых і адну бронзавую ўзнагароду.
У спаборніцтвах па адаптыўным (акадэмічным) веславанні беларуска Людміла Волчак заняла пятае месца. Плыўчыха Настасся Зудзілава стала сёмай на дыстанцыі 100 м брасам.
У медальным заліку летняй Паралімпіяды Беларусь з чатырма ўзнагародамі займае 24-е месца. Лідзіруюць інваспартсмены з Кітая - 92 медалі, 39 з якіх - залатыя. Паралімпійскія гульні ў Рыа-дэ-Жанэйра завершацца 18 верасня.
FM-Sender und –Frequenzen:
Rakitniza - 106.2 MHz
Grodna - 95.7 MHz
Swislatsch - 104.4 MHz
Geraneni - 99.9 MHz
Braslaŭ - 106.6 MHz
Mjadsel’ - 102.0 MHz
