Іранскія кампаніі гатовы больш актыўна ствараць з Беларуссю сумесныя вытворчасці

Фота: www.belta.by

Іранскія кампаніі гатовы больш актыўна ствараць з Беларуссю сумесныя вытворчасці, прадукцыя якіх будзе пастаўляцца і на рынкі трэціх краін. Гэта паведаміў БЕЛТА Пасол Ісламскай Рэспублікі Іран у нашай краіне Махамад Рэза Сабуры. Паводле дыпламата, іранскім кампаніям рэкамендуюць выкарыстоўваць стратэгічнае геаграфічнае становішча Беларусі не толькі для развіцця ірана-беларускіх адносін, але і для выхаду на рынкі ЕС і ЕАЭС. Пасол падкрэсліў, што гэтыя пытанні разам з многімі іншымі трэба будзе дэталёва разгледзець на пасяджэнні сумеснай беларуска-іранскай камісіі па супрацоўніцтве ў галіне навукі, тэхналогій і вышэйшай адукацыі.