Больш хуткаму ўступленню ў сілу беларуска-польскага дагавора аб правілах прыгранічнага руху будзе спрыяць садзейнічанне польскага боку ў прыцягненні сродкаў ЕС на мадэрнізацыю беларуска-польскай інфраструктуры. Такі пункт гледжання выказаў сёння на брыфінгу начальнік упраўлення інфармацыі - прэс-сакратар МЗС Дзмітрый Мірончык.
"На гэты момант беларускі бок вывучае практыку рэалізацыі аналагічных пагадненняў Беларусі з Латвіяй, а таксама Польшчы - з Расіяй і Украінай, - адзначыў Дзмітрый Мірончык. - Мы дасканала аналізуем існуючыя тэндэнцыі і, у тым ліку, эканамічныя наступствы. З улікам патокаў грамадзян у абодвух напрамках цяпер прапускная здольнасць беларуска-польскай граніцы балансуе на грані мяжы".
Як заявіў Дзмітрый Мірончык, у сувязі з гэтым вельмі важна дэталёва ацаніць гатоўнасць пагранічнай інфраструктуры да работы ў новых умовах, калі колькасць перасячэнняў граніцы, хутчэй за ўсё, узрасце.
FM-nadajniki i częstotliwości:
Rakitnica - 106.2 MHz
Grodno - 95.7 MHz
Świsłocz - 104.4 MHz
Geraniony - 99.9 MHz
Brasław - 106.6 MHz
Miadzioł - 102.0 MHz