Беларусь і Латвія абмеркавалі шляхі пашырэння палітычнага і гандлёва-эканамічнага супрацоўніцтва ў час кансультацый паміж міністэрствамі замежных спраў, якія прайшлі сёння ў Мінску на ўзроўні намеснікаў міністраў замежных спраў. Аб гэтым паведамілі ў прэс-службе беларускага знешнепалітычнага ведамства.
Беларускую дэлегацыю ўзначаліла намеснік міністра замежных спраў Алена Купчына, латвійскую - дзяржсакратар МЗС Андрэйс Пілдэговічс.
"У час кансультацый бакі абмеркавалі шырокае кола пытанняў двухбаковых адносін, у тым ліку перспектывы і шляхі пашырэння палітычнага, гандлёва-эканамічнага і транзітнага супрацоўніцтва, рэалізацыю сумесных інвестыцыйных праектаў", - расказалі ў ведамстве.
Тэмамі сустрэчы таксама сталі ўмацаванне двухбаковай дагаворна-прававой базы, дыялог Беларусь-ЕС і інтэнсіфікацыя кантактаў у рамках міжнародных арганізацый.
FM-nadajniki i częstotliwości:
Rakitnica - 106.2 MHz
Grodno - 95.7 MHz
Świsłocz - 104.4 MHz
Geraniony - 99.9 MHz
Brasław - 106.6 MHz
Miadzioł - 102.0 MHz