Беларусь паслядоўна прытрымліваецца неабходнасці ўмацавання рэжыму раззбраення і нераспаўсюджвання, у тым ліку ў сферы біялогіі. Аб гэтым заявіў намеснік начальніка ўпраўлення міжнароднай бяспекі і кантролю над узбраеннямі Міністэрства замежных спраў Беларусі Мікалай Аўсянка, выступаючы на пасяджэнні падрыхтоўчага камітэта Агляднай канферэнцыі Канвенцыі аб забароне біялагічнай і таксіннай зброі (КБТЗ), якое праходзіць у Жэневе 8-12 жніўня, паведамілі ў прэс-службе МЗС.
У склад беларускай дэлегацыі ўваходзяць прадстаўнікі Міністэрства замежных спраў, а таксама Рэспубліканскага навукова-практычнага цэнтра эпідэміялогіі і мікрабіялогіі.
Мікалай Аўсянка падкрэсліў, што Беларусь мае патэнцыял і распрацоўкі ў галіне біябяспекі і гатова далучыцца да намаганняў міжнароднай супольнасці па ўмацаванні мер даверу паміж краінамі ў справе выканання КБТЗ.
Удзельнікі сустрэчы былі таксама азнаёмлены з вынікамі партнёрскага агляду выканання рэзалюцыі Савета Бяспекі ААН 1540, які прайшоў у Мінску ў жніўні 2016 года.
FM-nadajniki i częstotliwości:
Rakitnica - 106.2 MHz
Grodno - 95.7 MHz
Świsłocz - 104.4 MHz
Geraniony - 99.9 MHz
Brasław - 106.6 MHz
Miadzioł - 102.0 MHz
