Кітай вельмі цэніць дружалюбныя ўзаемаадносіны з Беларуссю і даражыць імі. Аб гэтым заявіў сёння намеснік дырэктара шостага ўпраўлення (краіны Усходняй Еўропы і Цэнтральнай Азіі) міжнароднага аддзела ЦК Кампартыі Кітая Цянь Найчэн на сустрэчы з журналістамі.
"Беларусь і Кітай ужо ў хуткім часе будуць адзначаць 25-ю гадавіну ўстанаўлення дыпламатычных адносін. За гэтыя гады мы дасягнулі вялікіх вынікаў у розных галінах. Кітайскі бок гатовы і ў далейшым пашыраць стратэгічнае супрацоўніцтва з Беларуссю", - падкрэсліў Цянь Найчэн. У бліжэйшыя месяцы, паводле яго слоў, чакаюцца важныя падзеі, якія змогуць надаць новы імпульс беларуска-кітайскаму ўзаемадзеянню. У іх ліку - плануемы на верасень візіт у Беларусь прадстаўнічай кітайскай дэлегацыі. Цянь Найчэн асабліва падкрэсліў, што Кітай сваю знешнюю палітыку выбудоўвае на прынцыпах роўнасці, узаемнай выгады, узаемнай павагі, неўмяшання ў справы адзін аднаго.
Кітай па выніках 2015 года ўвайшоў у тройку асноўных гандлёвых партнёраў Беларусі. Паводле даных беларускага Міністэрства эканомікі, за мінулы год тавараабарот Беларусі і КНР склаў больш за $3 млрд і вырас да ўзроўню 2014 года на 5,6 працэнта; беларускі экспарт склаў амаль $800 млн (рост на 22 працэнты), імпарт - $2,4 млрд (рост на 1,1 працэнта).
FM-nadajniki i częstotliwości:
Rakitnica - 106.2 MHz
Grodno - 95.7 MHz
Świsłocz - 104.4 MHz
Geraniony - 99.9 MHz
Brasław - 106.6 MHz
Miadzioł - 102.0 MHz
