Беларусь разлічвае на рэалізацыю новых буйных праектаў з удзелам кітайскай карпарацыі “CITIC Груп”.

      фота: www.president.gov.by

     Гэта заявіў Аляксандр Лукашэнка на сустрэчы з кіраўніком карпарацыі Ван Цзюнам. Прэзідэнт адзначыў, што ў бліжэйшы час у Пекіне пройдуць перамовы на вышэйшым узроўні з Сі Цзіньпінам. Ёсць шырокі парадак дня, шмат пытанняў, якія трэба ўзгадніць. Кіраўнік дзяржавы разлічвае, што да гэтага часу будуць падрыхтаваны праекты дакументаў па рэалізацыі сур’ёзных праектаў у дзвюх краінах, - і перш за ўсё ў Беларусі.
     Пачынаючы з 2009 года, “СІTIC Груп” уваходзіць у рэйтынг “500 найбуйнейшых кампаній у свеце”. Зараз яна рэалізуе праекты ў Кітаі і за мяжой на агульную суму каля 40 млрд. долараў. У Беларусі кампанія ажыццявіла праект па будаўніцтве пад ключ трох цэментных заводаў, рэалізуе праекты па будаўніцтве аўтамабільнага завода “БелДжы” і мадэрнізацыі Аршанскага льнокамбіната. А нядаўна прыступіла да праекта па будаўніцтве шматфункцыянальнага комплексу ў Мінску.