Дабрачынная акцыя прайшла на тэрыторыі мемарыяльнага комплексу "Трасцянец"

Фота: belta.by

Дабрачынная акцыя "Дзень памяці" прайшла на тэрыторыі мемарыяльнага комплексу "Трасцянец". 75 гадоў таму тут прайшоў першы жалобны мітынг у памяць аб ахвярах лагера смерці, дзе загінулі больш як 200 тысяч чалавек. Гэта месца смутку добраўпарадкавалі больш як 80 валанцёраў руху "Добрае сэрца". На тэрыторыі комплексу правялі набажэнства ў памяць аб загінуўшых і ўсклалі кветкі да манумента "Брама памяці". 

Нагадаем, у сакавіку ў мемарыяльным комплексе "Трасцянец", урачыста адкрылі помнік аўстрыйскім ахвярам нацызму. У цырымоніі прынялі ўдзел Прэзідэнт Беларусі разам з федэральным канцлерам Аўстрыі.