Беларусь уваходзіць у топ-25 краін, спрыяльных для мацярынства.

фота: www.belta.by

          Такія звесткі новага рэйтынгу міжнароднай арганізацыяй Save the Children. Дарэчы, у нашай краіне пачаўся Тыдзень мацярынства. Дабрачынны вечар балета для шматдзетных і малазабяспечаных сем'яў наладзіць харэаграфічны каледж. У Гістарычным музеі - канцэрт стыпендыятаў Міжнароднага дабрачыннага фонду Юрыя Розума. Праграму "Матчына хата" арганізуе Беларускі музей народнай архітэктуры і побыту. Ля ратушы адкрылася фотавыстава - "Тата і дзіця". А ўдзельнікі дабрачыннай акцыі "Міласэрнасць" наведаюць адзінокіх жанчын у цэнтрах сацабслугоўвання і дамах-інтэрнатах для састарэлых і інвалідаў. Кульмінацыяй тыдня стане Сусветны дзень маці, які беларусы адсвяткуюць у пятніцу 14 кастрычніка. У Беларусі ордэнам Маці ўзнагароджаны 7,5 тыс. жанчын, якія нарадзілі і дастойна выхавалі пяць і больш дзяцей.