Урачыстая цырымонія провадаў беларускіх спартсменаў на Алімпійскія гульні адбылася ў Мінску.

     фота:  www.president.gov.by

      Аляксандр Лукашэнка ўручыў Дзяржаўны сцяг Рэспублікі Беларусь капітану беларускай спартыўнай дэлегацыі на Алімпіядзе ў Рыа-дэ-Жанэйра алімпійскаму чэмпіёну ў веславанні на байдарках і каноэ Аляксандру Багдановічу.

         Прэзідэнт Беларусі, прэзідэнт Нацыянальнага алімпійскага камітэта Аляксандр Лукашэнка ўручыў Дзяржаўны сцяг Рэспублікі Беларусь капітану беларускай спартыўнай дэлегацыі Аляксандру Багдановічу. Тытулаваны вясляр, у сваю чаргу, перадаў яго сцяганосцу беларускай спартыўнай дэлегацыі Сяргею Мартынаву і прачытаў клятву беларускага спартсмена - удзельніка Алімпійскіх гульняў.
        Для нашых атлетаў гэтыя Гульні стануць самым важным экзаменам чатырохгоддзя. Дзяржава зрабіла ўсё неабходнае, каб спартсмены мелі магчымасць спакойна падрыхтавацца і дастойна выступіць на гэтых спаборніцтвах, - заявіў падчас цырымоніі Аляксандр Лукашэнка.