Беларусь будзе ўзорнай краінай у плане развіцця прафесійна-тэхнічнай адукацыі.

 фота: www.president.gov.by

      Перакананасць у гэтым выказаў кіраўнік дзяржавы Аляксандр Лукашэнка на сустрэчы з прэзідэнтам міжнароднай некамерцыйнай асацыяцыі WorldSkills International Сайманам Бартлі. Кіраўнік дзяржавы адзначыў, што Беларусь - адзіная на постсавецкай прасторы і, мабыць, ва Усходняй Еўропе краіна, дзе прафтэхадукацыі надаецца столькі ўвагі. У нас функцыянуе звыш 150 устаноў прафесійна-тэхнічнай адукацыі. Больш за ўсё ўвагі надаецца стварэнню найноўшай матэрыяльнай базы, каб маладыя людзі маглі атрымаць спецыяльнасць і працаваць на самай сучаснай вытворчасці.
      Сайман Бартлі у сваю чаргу расказаў, што гэта не першы яго візіт у Беларусь, і звярнуў увагу на пазітыўныя змены, якія адбываюцца ў краіне, а таксама выказаў намер выкарыстоўваць беларускі вопыт для папулярызацыі рабочых прафесій.