Перамовы Міжнароднага валютнага фонду і Беларусі працягнуцца ў красавіку.

фота: www. news.mail.ru

         Перамовы Міжнароднага валютнага фонду і Беларусі працягнуцца ў красавіку, паведаміў першы намеснік міністра эканомікі Аляксандр Забароўскі. Ён таксама адзначыў, што праца з гэтымі міжнароднымі фінансавымі структурамі ў прыватнасці будзе будавацца на аснове праграмы дзейнасці ўрада. Намеснік міністра заявіў, што крыніца для нарошчвання золатавалютных рэзерваў - гэта станоўчы аплатны баланс. У тым ліку маецца на ўвазе прыцягненне знешняга фінансавання. У гэтым плане адным з ключавых параметраў з'яўляюцца праграмы супрацоўніцтва з Еўразійскім фондам стабілізацыі і развіцця і Міжнародным валютным фондам.