Беларускай пісьменніцы Святлане Алексіевіч уручана Нобелеўская прэмія па літаратуры за 2015 год.

фото:www.sb.by - Reuters

      Урачыстая цырымонія адбылася ў Канцэртнай зале Стакгольма. У сваіх кнігах беларуская пісьменніца і журналіст распавядае пра сапраўдную цану подзвігу і іншы бок вайны, якая да непазнавальнасці змяняе людзей. "Цынкавыя хлопчыкі", "Чарнобыльская малітва", "У вайны не жаночы твар" - адразу пасля выхаду гэтыя дакументальныя аповесці выклікалі шырокі рэзананс і сталі папулярнымі не толькі на постсавецкай прасторы, але і на Захадзе. Зараз Святлана Алексіевіч працуе над кнігай, якую пачала пісаць яшчэ ў 90-х. У ёй сабраны гісторыі кахання ад людзей розных пакаленняў. Дарэчы, на святочны банкет Святлану Алексіевіч асабіста праводзіў кароль Швецыі Карл 16-ы Густаў.