Майстры з сямі краін прымуць удзел у пленэры "Вобраз Радзімы ў выяўленчым мастацтве"

Фота: belta.by

XXIV Міжнародны пленэр па жывапісе "Вобраз Радзімы ў выяўленчым мастацтве", прысвечаны Году малой радзімы, пройдзе ў верасні на тэрыторыі Беларусі і Расіі. Першая частка  – на тэрыторыі Тульскай вобласці, у музеі-запаведніку Васіля Паленава. А 19 верасня мастакоў будзе сустракаць Магілёўская вобласць. Чакаецца, што да беларускіх майстроў далучацца таленавітыя жывапісцы з Афганістана, Казахстана, Расіі, Узбекістана, Украіны, Рэспублікі Карэя. Мастакі наведаюць Бялыніцкі і Шклоўскі раёны. Госці змогуць не толькі азнаёміцца з беларускай прыродай, архітэктурай, мясцовымі жыхарамі, але і падзяліцца вопытам, стварыць унікальныя жывапісныя палотны. Запланаваны майстар-класы, творчыя сустрэчы, вечары нацыянальных культур.