"Штадлер Мінск" асвойвае Балівію

Фота: belta.by

"Штадлер Мінск" асвойвае Балівію. Прадпрыемства адправіць у гэту лацінаамерыканскую краіну 12 трамваяў "Мяцеліца". Яны будуць курсіраваць у горадзе Качабамба - буйным турыстычным і транспартным цэнтры. Адпаведны кантракт кіраўніцтва завода ў Фаніпалі падпісала яшчэ гэтай зімой, а напярэдадні дэлегацыя з Балівіі ўпершыню наведала само прадпрыемства. Дзелавыя партнёры ўбачылі, як рэалізоўваюцца дамоўленасці, а таксама пазнаёміліся з асаблівасцямі працы на "Штадлер Мінск". Акрамя таго, прадпрыемства з Фаніпаля працягвае выпуск цягнікоў для Грузіі, Азербайджана і Нарвегіі.