26 красавіка ўвесь свет узгадвае падзеі на Чарнобыльскай АЭС

26 красавіка ўвесь свет узгадвае падзеі на Чарнобыльскай АЭС. Гэта дата найбуйнейшай у гісторыі чалавецтва тэхнагеннай катастрофы. У той ці іншай меры яе наступствы закранулі многія краіны Еўропы. Але найбольш пацярпела Беларусь. Радыеактыўнаму забруджванню падвергнуліся 23% тэрыторыі нашай краіны.

А напярэдадні ў Міністэрстве замежных спраў адбыўся брыфінг, прысвечаны 32-й гадавіне чарнобыльскай трагедыі. У мерапрыемстве прынялі ўдзел кіраўнікі дыпмісій і прадстаўнікі міжнародных арганізацый. Пераадоленне наступстваў аварыі на ЧАЭС патрабуе не толькі нацыянальных, але і міжнародных намаганняў.  Наша краіна паслядоўна прыцягвае ўвагу сусветнай супольнасці да чарнобыльскай праблематыкі, у тым ліку з трыбуны ААН, - адзначыў намеснік міністра замежных спраў Андрэй Дапкюнас.