Першыя замежныя турысты наведалі без віз парк "Аўгустоўскі канал".

       Імі сталі прадстаўнікі польскай дэлегацыі на чале з маршалкам Падляскага ваяводства Ежы Ляшчынскім. Нагадаем, з 26 кастрычніка замежныя турысты могуць прыязджаць у спецыяльны турысцка-рэкрэяцыйны парк "Аўгустоўскі канал" без візы. У так званую бязвізавую зону ўвайшлі таксама Гродна і частка Гродзенскага раёна. Для наведвання парку неабходна мець з сабой пашпарт (ці іншы дакумент для выезду за мяжу) і дакумент, які дае права на наведванне Аўгустоўскага канала. Выдачай і афармленнем такіх дакументаў займаюцца турыстычныя фірмы. Запоўніць заяўку ў рэжыме анлайн можна на спецыялізаваным сайце grodnovisafree.by. Бязвізавы рэжым будзе дзейнічаць да 31 снежня 2017 года.