Прэзідэнт Беларусі Аляксандр Лукашэнка патрабуе няўхільнага выканання прынятых на Усебеларускім народным сходзе рашэнняў.

фота: www.president.gov.by

        На гэтым кіраўнік дзяржавы акцэнтаваў увагу ў ходзе даклада ўрада аб рабоце эканомікі за мінулы перыяд 2016 года, праектах прагнозу, бюджэту і грашова-крэдытнай палітыкі на 2017 год, перадае БЕЛТА. Прэзідэнт звярнуў увагу на асобныя моманты, якія яго насцярожваюць: "Урад дакладвае, што ў цэлым стабільнасць захавана, у поўным аб'ёме і ў тэрмін разлічваецца па ўсіх дзяржаўных абавязацельствах, валютных даўгах, ствараюцца ўмовы для якаснага паляпшэння макраэканамічных параметраў. Тым не менш сітуацыя на многіх прамысловых прадпрыемствах застаецца складанай". Кіраўнік дзяржавы звярнуў увагу, што намецілася адмоўная дынаміка і ў сельскай гаспадарцы, істотна недабірае будаўнічая галіна. Скарачаецца экспарт, зніжаюцца інвестыцыі. Аляксандр Лукашэнка адзначыў, што на справаздачы трэба дэталёва абмеркаваць планы на наступны год. Прэзідэнт яшчэ раз нагадаў, што ў аснову неабходна паставіць рашэнні і мэтавыя ўстаноўкі, прынятыя на з'ездзе.