Беларусь у перыяд старшынства ў Арганізацыі Дагавора аб калектыўнай бяспецы ў 2017 годзе мае намер удзяляць асаблівую ўвагу развіццю і павышэнню эфектыўнасці супрацоўніцтва АДКБ з міжнароднымі арганізацыямі, уключаючы ААН. Аб гэтым паведаміў міністр замежных спраў Беларусі Уладзімір Макей у ходзе нефармальнай сустрэчы кіраўнікоў знешнепалітычных ведамстваў краін - удзельніц АДКБ, паведамляецца на афіцыйным сайце беларускага МЗС.
Міністры замежных спраў абмеркавалі пытанні знешнепалітычнага ўзаемадзеяння ў АДКБ, уключаючы калектыўныя дзеянні на бягучай 71-й сесіі Генеральнай асамблеі ААН.
"Беларускі міністр прыцягнуў увагу калег да намечаных прыярытэтаў Беларусі ў перыяд старшынства ў АДКБ ў 2017 годзе. Уладзімір Макей адзначыў, што Беларусь мае намер удзяляць асаблівую ўвагу развіццю і павышэнню эфектыўнасці супрацоўніцтва АДКБ з міжнароднымі арганізацыямі, у тым ліку ААН", - гаворыцца ў паведамленні.
Міністры замежных спраў краін АДКБ абмеркавалі падрыхтоўку сустрэчы кіраўнікоў дзяржаў арганізацыі ў Ерэване ў кастрычніку 2016 года і абмяняліся думкамі аб канкрэтных напрамках і формах знешнепалітычнага супрацоўніцтва ў інтарэсах арганізацыі і ўсіх яе дзяржаў - удзельніц.
FM-nadajniki i częstotliwości:
Rakitnica - 106.2 MHz
Grodno - 95.7 MHz
Świsłocz - 104.4 MHz
Geraniony - 99.9 MHz
Brasław - 106.6 MHz
Miadzioł - 102.0 MHz
