Мінск адзначыў свой чарговы дзень нараджэння.

       Мерапрыемствы праходзілі на ста святочных пляцоўках. У іх прынялі ўдзел больш за 330 тысяч чалавек. Губернскі баль з кадрыллю і контрдансам на плошчы ля Ратушы, міжнародныя спаборніцтвы па сілавым экстрыме, а таксама барацьба за званне лепшага ратавальніка - Мінск даказаў, што адначасова можа быць арыстакратычным, спартыўным і зручным для жыцця. Музыка, канцэрты і майстар-класы ад рамеснікаў зрабілі праграму святкавання яшчэ больш насычанай. Жыхары і госці сталіцы ўдзень ацанілі кулінарнае майстэрства шэф-кухараў, а ўвечары – святочнае фаер-шоў. У наступным, юбілейным, годзе гулянні абяцаюць стаць яшчэ больш маштабнымі.