На Аўгустоўскім канале 17 верасня ўпершыню адбудзецца фестываль паляўнічай культуры.

фото: www.interfax.by

         Мерапрыемства праводзіцца для адраджэння паляўнічых традыцый пад заступніцтвам св. Губерта. Стартуе фестываль парадам паляўнічых. Больш за 100 чалавек пройдуць як у старадаўніх, так і сучасных паляўнічых строях. Адным з самых відовішчных і цікавых мерапрыемстваў стане майстар-клас так званых вабільчыкаў, якія пакажуць, як падзываюць аленя і ваўка. Таксама яркай падзеяй стане дэманстрацыя сакалінага палявання. Арганізуюць на фестывалі выставу і конкурс паляўнічых сабак. Самым "смачным", вядома, стане конкурс на лепшую паляўнічую страву. Завершыцца ж фестываль рыцарскім шоў.