Беларуская спартсменка Марыя Мамашук заваявала сярэбраную ўзнагароду алімпійскага турніру па жаночай барацьбе.

фота:www.noc.by

        Беларуская спартсменка Марыя Мамашук (вагавая катэгорыя да 63 кг) заваявала сярэбраную ўзнагароду алімпійскага турніру па жаночай барацьбе. У фінальным паядынку Марыі Мамашук процістаяла японка Рысака Каваі. Ужо на першай мінуце беларуска прапусціла атаку ў ногі, за што яе саперніца зарабіла 2 балы. Мамашук спрабавала контратакаваць, але японскай атлетцы ўдавалася стрымліваць наступальныя парывы беларускі. Да канца першага перыяду сустрэчы лік быў 2:0 на карысць Каваі.
Заключная трохмінутка таксама прайшла пад дыктоўку японкі. Яна змагла правесці практычна аналагічную атаку той, якая ў яе атрымалася ў першым перыядзе: прайшла ў ногі беларусцы і зноў атрымала 2 балы. Пад канец паядынку Рысака Каваі ўдалося яшчэ адно рэзультатыўные дзеянне, ацэненае зноў на 2 балы. Такім чынам, яна выйграла паядынак з сухім лікам 6:0.
Дэбютантка Алімпійскіх гульняў Марыя Мамашук, выступаючы на даване ў Рыа, перамагла прадстаўніцу Казахстана Кацярыну Ларыёнаву (у 1/8 фіналу; лік - 8:2), шведку Катарыну Ёхансен (у 1/4 фіналу; 7:2) і амерыканскую атлетку Алену Піражкову (у 1/2 фіналу; 3:2).