Музей унікальнага "Анненскага кірмашу" ствараюць у Зэльве.

фото: www.zelwa.by

       Плануецца, што ён будзе арганізаваны пад адкрытым небам. Экспанаты раскажуць як аб старадаўніх традыцыях слаўнага кірмашу, так і аб адроджаным, які пачаў праводзіцца з 2001 года. "Аненскі кірмаш" названы ў гонар святой Ганны. У 18-м стагоддзі кірмаш быў другі пасля Лейпцыгскага ў Еўропе па тавараабароце. Спецыяльна для ўдзелу ў ім у Зэльву прыязджалі да 5 тыс. купцоў з усёй Еўропы. Зэльва на перыяд кірмашу станавілася не толькі пляцоўкай для вялікага гандлю, але і культурным цэнтрам, тут выступалі нават артысты Парыжскага тэатра.