У Астане прайшоў саміт Еўразійскага эканамічнага саюза.

фото: www.prasident.gov.by

        На яго сабраліся прэзідэнты пяці краін-удзельніц інтэграцыйнага аб’яднання: Беларусі, Арменіі, Казахстана, Кыргызстана і Расіі. Аляксандр Лукашэнка прыбыў у Казахстан з рабочым візітам напярэдадні і адразу правёў сустрэчу з Нурсултанам Назарбаевым. Поле саміту - гэта яшчэ і зручная пляцоўка для абмеркавання двухбаковых пытанняў. Што тычыцца Вышэйшага Еўразійскага эканамічнага савета, то на яго пасяджэнні кіраўнікі дзяржаў падводзяць вынікі першага года працы самага цеснага інтэграцыйнага аб’яднання на постсавецкай прасторы. Асноўныя пытанні парадку дня - зацвярджэнне двух канцэпцый. Адна з іх тычыцца адзінага рынку электраэнергіі. Другая - агульнай прасторы па нафце, газу і нафтапрадуктах. Абмяркоўваецца таксама ўзаемадзеянне з Кітаем і Еўрасаюзам.