Летні турыстычны сезон на Аўгустоўскім канале традыцыйна стартуе святам народнай творчасці "Аўгустоўскі канал збірае сяброў" на шлюзе "Дамброўка" 21 мая.

Аўгустоўскі канал
www.region.grodno.by

         У праграме - майстар-класы па традыцыйных рамёствах і старадаўніх танцах, канцэрт і выязны гандаль. Адкрыецца мерапрыемства касцюміраваным шэсцем народных калектываў. Да гэтай даты прымеркавалі і адкрыццё афіцыйнага музея Аўгустоўскага канала. Экспанаты раскажуць пра гісторыю будаўніцтва канала, яго ваеннае мінулае і аднаўленне. Чакаецца прыезд на свята удзельнікаў Беларуска-польскага турыстычнага форуму, які пройдзе на тэрыторыі дзвюх краін.