На возеры Свіцязь развіваюць кластарны турызм.

         Геолагі сцвярджаюць: Свіцязь - вынік разлому карставых парод у даледавіковую эпоху. Мясцоваму фальклору бліжэй гісторыя пра тое, як у адну ноч цэлы горад разам з жыхарамі пайшоў пад ваду. Праект, які там рэалізуюць сёння, бярэ лепшае ад абедзвюх версій. Цяперашні парадокс Свіцязі у тым, што возера прыцягвае сотні тысяч турыстаў кожны сезон. Але Свіцязянскі заказнік без шкоды можа прыняць толькі некалькі тысяч. Антрапагенную нагрузку з берагоў аніматары, акцёры і краязнаўцы перанясуць на інтэрактыўныя пляцоўкі, а падчас экскурсій задзейнічаюць электрабусы.