Зборачныя вытворчасці беларускіх трактароў і аўтатэхнікі могуць з’явіцца ў Нігерыі.

          Беларуска-нігерыйскія кансультацыі паміж міністэрствамі замежных спраў прайшлі ў Абуджы. Акрамя таго, адбылася сустрэча з прадстаўнікамі дзелавых колаў Нігерыі і кіраўнікамі дзеючых у краінах Заходняй Афрыкі прадстаўніцтваў беларускіх прадпрыемстваў-экспарцёраў. Бакі абмеркавалі стварэнне ў Нігерыі зборачных вытворчасцей трактароў і аўтамабільнай тэхнікі, функцыянаванне беларускага гандлёвага дома ў Лагосе, арганізацыю візіту дэлегацыі нігерыйскіх дзелавых колаў у Беларусь. Падпісаны пратаколы аб намерах паміж мінскім трактарным заводам і нігерыйскімі кампаніямі па пастаўках беларускай тэхнікі.