«Ноч у музеі» ў стылі чорна-белага кіно пройдзе ў Гродне.

         Акцыю «Ноч у музеі» ў стылі чорна-белага кіно арганізуе Гродзенскі дзяржаўны гісторыка-археалагічны музей. Крэатыўная праграма, прысвечана гістарычным фактам, асобам, дасягненням, адкрыццям і гучным падзеям міжваенных дзесяцігоддзяў мінулага стагоддзя. У праграме - гісторыка-забаўляльнае шоу «Паміж Гродна і Чыкага», падарожжа па залах музея, жывая музыка, анімацыя, танцы, майстар-класы па hand-made, дэфіле мадэлей у стылі 1920-30-х гадоў і многае іншае. На адзін вечар у музеі адкрыецца рэтракіназала, дзе на вялікім экране пакажуць эпізоды з фільмаў XX стагоддзя,  і імправізаваны салон прыгажосці, у якім наведвальнікі змогуць ставарыць стыльныя вобразы той пары. А ў двары Новага замка гасцей будуць чакаць рэтрамабілі.