Віцэ-прэм'ер Беларусі не бачыць падстаў для невыканання прагнозу па інфляцыі ў 2015 годзе на ўзроўні 12%.

        Віцэ-прэм'ер Беларусі Пётр Пракаповіч не бачыць падстаў для невыканання прагнозу па інфляцыі ў 2015 годзе на ўзроўні 12%. Сёння інфляцыя ў Беларусі на ўзроўні 16-16,5%. У цэлым, як адзначыў віцэ-прэм'ер, наступны год для Беларусі простым не будзе. Аднак назапашаны вопыт дазволіць краіне забяспечыць выкананне галоўных задач. Гаворка, перш за ўсё, ідзе аб павышэнні жыццёвага ўзроўню насельніцтва. Зрабіць гэта трэба ва ўмовах адносна збалансаванага развіцця айчыннай эканомікі. Асноўны ўпор -  на рашэнне эканамічных пытанняў, такіх, у прыватнасці, як дасягненне станоўчага сальда знешняга гандлю. Гэта будзе асновай для збалансаванасці нашай эканомікі. Яшчэ адна першачарговая задача - выкананне абавязацельстваў па выплаце знешняга дзярждоўгу.