Пасля наведвання Беларусі больш за 80 працэнтаў іншаземцаў змяняюць сваё меркаванне аб краіне ў лепшы бок.

      Пасля наведвання Беларусі больш за 80 працэнтаў іншаземцаў змяняюць сваё меркаванне аб краіне ў лепшы бок. Аб гэтым сведчаць вынікі апытання, праведзенага латвійскім рэкламным агенцтвам "AD Hunters Baltics". "Грамадзяне краін Еўрасаюза, пры наведванні Беларусі застаюцца ў захапленні ад парадку ў гарадах, цудоўных дарог, тэмпу развіцця гарадоў і маштабаў будаўніцтва. Гэта звязана з тым, што ў краінах Еўрасаюза інфармацыя аб Беларусі падаецца даволі аднабока і часта гаворыцца толькі аб яе праблемах, але не аб поспехах", - адзначыў старшыня праўлення латвійскага агенцтва Кястуціс Ісакас. У апытанні прынялі ўдзел 546 чалавек з Літвы, Латвіі, Эстоніі, Фінляндыі, Польшчы і Германіі. Амаль трэць з іх прадпрымальнікі, якія былі прыемна здзіўлены інвестыцыйным кліматам у Беларусі і тым, што ў краіне створаны ўсе ўмовы для паспяховага бізнесу.