Чэмпіянат у Мінску атрымаўся.

      Няма сумненняў: чэмпіянат у Мінску атрымаўся. Гэта адзначаюць і заходнія СМІ, і дасведчаныя еўрапейскія балельшчыкі. Такога прыёму яны проста не чакалі. Найбуйнейшая ў ЕС Асацыяцыя еўрапейскіх студэнтаў публікуе на сваім сайце артыкул пад назвай "Беларусь ламае стэрэатыпы". Маладыя еўрапейцы здзівіліся прыгажосці сталіцы, якая была цалкам разбураная 70 гадоў таму. І завуць Мінск самым чыстым горадам Еўропы. А нямецкая "Бадзішэ Цайтунг" публікуе водзыў суайчыннікаў, якія былі ў Беларусі. Жыхары поўдня Германіі адзначылі гасціннасць беларусаў і іх жаданне дапамагчы ў цяжкай сітуацыі. А папулярная швейцарская газета "20 хвілін"называе чэмпіянат у Мінску адным з лепшых кубкаў усіх часоў.