PRADMOVA: усё пра беларускі фестываль інтэлектуальнай кнігі

Wednesday, 17.04.2019 - 18:04

Фота: pradmova.by

Фестываль інтэлектуальнай кнігі “Прадмова” завяршыў свой тур па краіне вялікай імпрэзай у Мінску на працягу чатырох дзён з 4 па 7 красавіка. Праграма была насычана выступамі беларускіх і замежных пісьменнікаў ды інтэлектуалаў і мае мэтай паяднаць усіх удзельнікаў літаратурнага працэсу: выдаўцоў, крытыкаў, пісьменнікаў, перакладчыкаў, дызайнераў і, вядома ж, чытачоў, зацікаўленых у якаснай кнізе.

У сакавіку імпрэзы фэсту праходзілі ў Полацку, Гродне, Гомелі, Брэсце, а фінальнай кропкай пасля мінскай праграмы стане Бабруйск, які перамог за права вызначыць месца, дзе адбудзецца апошні, бонусны дзень фестывалю. Гісторыкі і біблеісты, філосафы і паэты, музыкі і рэстаўратары прыедуць на фестываль “Прадмова” ў Бабруйску 13 красавіка. Выдавецтвы разгарнуць на фэсце кніжны кірмаш, так што гэта добрая магчымасць таксама набыць навінкі ад вытворцаў.

Фота: pradmova.by

Праграма фестывалю “Прадмова” ў Бабруйску – тут: https://pradmova.by/pragrama-festyvalju-pradmova-u-babrujsku-13-krasavika

Лекцыі, майстар-класы, дзіцячая праграма, выставы, спектаклі, дэгустацыі, літаратурная ноч і кінапаказы – на фэсце знайшліся імпрэзы для аматараў усіх літаратурных жанраў. Падчас фестываля ў Мiнску упершыню пабывала фінская пісьменніца Софі Оксанен. Яе раман перакладзены на 25 моў і атрымаў на радзіме ўсе магчымыя ўзнагароды. Софі першая фінская пісьменніца, якая стала лаўрэаткай Літаратурнай прэміі Шведскай акадэміі – так званага “малога Нобеля”. Падрабязнасці міжнароднаму радыё “Беларусь” расказалі Наталля Рак, каардынатар Фестывалю Інтэлектуальнай кнігі «Прадмова», Алена Казлова, пісьменніца і перакладчыца і сама госця з Фінляндыі Софі Оксанен.

Беларусь і Фінляндыя актыўна супрацоўнічаюць у розных сферах, у тым ліку ў сферы культуры, адзначае кіраўнік аддзялення Пасольства Фінляндыі у Мінску Янэ Хейсканен. Напрыклад, на беларускую мову была перакладзена “Гісторыя Фінляндыі”, а таксама сусветна вядомы фінскі эпас «Калевала.