Міністэрства замежных спраў адрэагавала на даклад ПАСЕ "Сітуацыя ў Беларусі"

Фота: www.mfa.gov.by

Міністэрства замежных спраў Беларусі распаўсюдзіла каментарый у сувязі з прыняццем дакладу Парламенцкай асамблеі Савета Еўропы "Сітуацыя ў Беларусі".
Краіна вітае рашэнне ПАСЕ працягнуць сваю дзейнасць і падтрыманне кантактаў высокага ўзроўню з беларускімі ўладамі. Гэты крок адкрывае магчымасць абмяркоўваць узаемныя заклапочанасці паміж парламентам Беларусі і ПАСЕ і ліквідуе штучныя перашкоды для развіцця адносін з нашай краінай, - гаворыцца ў каментарыі. На жаль, асамблеі пакуль не ўдалося цалкам адмовіцца ад ілжывых стэрэатыпаў і састарэлых падыходаў. Пра гэта сведчыць шэраг палажэнняў дакладу, якія ў Беларусі лічаць не аб'ектыўнымі. "Выклікае шкадаванне прыняцце папраўкі літоўскага боку да дакладу па БелАЭС, нягледзячы на справядлівыя пярэчанні шэрагу дэпутатаў аб тым, што гэтая тэма не мае ніякага дачынення не толькі да разглядаемага пытання, але і да дзейнасці ПАСЕ ўцэлым", - адзначылі ў МЗС. У Беларусі цвёрда ўпэўнены ў неабходнасці пашырэння канструктыўнага супрацоўніцтва з Саветам Еўропы і яго Парламенцкай асамблеяй. Даклад ПАСЕ, нягледзячы на ўсе яго недахопы, стварае для гэтага неабходныя перадумовы, - рэзюмавалі ў МЗС.