Перамовы па ўрэгуляванні крызісу ва Украіне пачаліся ў Мінску з сустрэчы каардынатараў рабочых падгруп трохбаковай кантактнай групы АБСЕ-Украіна-Расія

        Перамовы па ўрэгуляванні крызісу ва Украіне пачаліся ў Мінску з сустрэчы каардынатараў рабочых падгруп трохбаковай кантактнай групы АБСЕ-Украіна-Расія, - паведаміла прэс-служба МЗС Беларусі. Падчас папярэдняй сустрэчы групы 26 жніўня спецпрадстаўнік АБСЕ Марцін Сайдзік заклікаў бакі канфлікту спыніць агонь у сувязі з пачаткам навучальнага года. 1 верасня адбылася відэаканферэнцыя, падчас якой было адзначана, што на ўсёй лініі судакранання рэжым спынення агню ў асноўным выконваецца. Бакі прызналі неабходнасць прадоўжыць прыкладаць усе намаганні для таго, каб рэжым спынення агню набыў устойлівы характар.