Магутны цыклон "Даніэла" абрынуўся ноччу 12 студзеня на Беларусь.

 фота: www.belta.by

     У краіне аб'яўлена штармавое папярэджанне і аранжавы ўзровень небяспекі. Цыклон прынёс і парывісты вецер.
З-за  гэтага без электрычнасці засталіся многія населеныя пункты ў Мінскай, Брэсцкай, Віцебскай і Гомельскай абласцях. Наступствы стыхіі ліквідуюць. На рэспубліканскія аўтамабільныя дарогі выйшла больш за 1 тыс. адзінак снегаўборачнай тэхнікі.
     Беларускі Чырвоны Крыж арганізаваў пункты абагрэву для насельніцтва. Аўтааматары атрымліваюць дапамогу на базе мабільных тэхнічных пунктаў на буйных магістралях і дарогах. У Беларусі ў бліжэйшыя суткі, 13 студзеня, чакаецца воблачнае з праясненнямі надвор'е, на большай частцы тэрыторыі пройдзе снег, у паўднёвых раёнах - мокры снег.