Беларусь прапанавала на разгляд 69-й сесіі Генеральнай асамблеі ААН праект рэзалюцыі аб забароне вытворчасці новых відаў зброі масавага знішчэння.

       Пра гэта заявіў намеснік міністра замежных спраў нашай краіны Валянцін Рыбакоў падчас агульных дэбатаў Першага камітэта ГА ААН. Валянцін Рыбакоў заклікаў усе краіны - члены ААН ўстаць на шлях да ядзернага нуля і падтрымаць рэзалюцыю. Дыпламат прааналізаваў асноўныя вынікі работы міжнароднай супольнасці па ліквідацыі ядзернага і іншых відаў зброі масавага знішчэння. Ён падкрэсліў, што для эфектыўнага выкарыстання такіх міжнародных інструментаў, як Дагавор аб нераспаўсюджванні ядзернай зброі і Дагавор аб усёабдымнай забароне ядзерных выпрабаванняў неабходна іх максімальная ўніверсалізацыі. Валянцін Рыбакоў дадаў, што Беларусь на працягу дзесяцігоддзяў адстойвае на пляцоўцы ААН ідэю аб забароне распрацоўкі і вытворчасці новых відаў зброі масавага знішчэння.