У Беларусі плануецца правесці шэраг мерапрыемстваў да 75-й гадавіны знішчэння Мінскага гета. У гады Другой сусветнай вайны фашысцкія акупанты стварылі ў беларускай сталіцы адзін з найбуйнейшых у Еўропе лагераў для знішчэння яўрэйскага насельніцтва. Да канца кастрычніка 1943 года нацысты знішчылі тут больш за 100 тысяч чалавек. Сюды таксама дэпартаваліся яўрэі з Германіі, Польшчы і Аўстрыі. У 1947 годзе ў Мінску узведзены мемарыяльны комплекс "Яма" - у памяць пра яўрэяў, якія былі знішчаны гітлераўцамі ў Мінскім гета ў гады Вялікай Айчыннай вайны. 22 кастрычніка там адбудзецца жалобны мітынг. На гэтыя дні запланаваны таксама шэраг іншых мерапрыемстваў з удзелам замежных гасцей.