Кітайска-беларускі індустрыяльны парк "Вялікі камень" да 2021 года вырабіць прадукцыі  не менш чым на $1 млрд. Гэта прэм'ер-міністр Беларусі Андрэй Кабякоў расказаў у інтэрв'ю кітайскаму інфармацыйнаму агенцтву "Сіньхуа". Колькасць рэзідэнтаў парку, як чакаецца, павялічыцца да 100, будзе створана 7 тыс. дадатковых рабочых месцаў,  - расказаў Андрэй Кабякоў. Па словах прэм'ера, парк дазволіць аптымізаваць транзітныя грузавыя патокі, якія праходзяць праз тэрыторыю Беларусі з Кітая ў краіны ЕС, а таксама будзе садзейнічаць павелічэнню тавараабароту з КНР.

Цяпер у "Вялікім камені" 34 рэзідэнты. У парку прадстаўлены беларускі, кітайскі, расійскі, амерыканскі, еўрапейскі і ізраільскі капітал.