Мінск і Душанбэ гатовы ўмацоўваць палітычны дыялог і падтрымліваць адно аднаго на сусветнай арэне. Такія вынікі афіцыйнага візіту Прэзідэнта Беларусі ў Таджыкістан.

Аляксандр Лукашэнка і Эмамалі Рахмон правялі маштабныя перамовы, падпісана дарожная карта двухбаковага супрацоўніцтва. У Гісары адкрылася зборачная вытворчасць беларускай сельгастэхнікі. Яна арыентавана ў тым ліку на рынкі трэціх краін. Прадстаўнікі дзелавых колаў Мінска і Душанбэ падпісалі шэраг кантрактаў на бізнес-форуме. У аўторак у Таджыкістане стартавала і нацыянальная выстава Беларусі, якую было вырашана прадоўжыць на тыдзень з-за вялікай цікавасці з боку бізнесменаў шэрагу краін.