Аляксандр Лукашэнка накіруецца з рабочым візітам у Расію. Прэзідэнт прыме  ўдзел у пасяджэнні Вышэйшага дзяржаўнага савета Саюзнай дзяржавы і чацвёртым Форуме рэгіёнаў Беларусі і Расіі, паведамілі ў прэс-службе беларускага лідэра. На пасяджэнні Вышэйшага дзяржсавета плануецца абмеркаваць важнейшыя пытанні беларуска-расійскага ўзаемадзеяння. Адной з цэнтральных тэм парадку дня з'яўляюцца вынікі гандлёва-эканамічнага супрацоўніцтва Беларусі і Расіі за 2016 год. Чакаецца, што перад пасяджэннем Вышэйшага дзяржсавета адбудзецца сустрэча Аляксандра Лукашэнкі з Уладзімірам Пуціным. На 30 чэрвеня таксама запланаваны сумесны ўдзел кіраўнікоў дзяржаў у пленарным пасяджэнні чацвёртага Форуму рэгіёнаў Беларусі і Расіі на тэму "Вектары інтэграцыйнага развіцця рэгіёнаў Расіі і Беларусі ў сферы высокіх тэхналогій, інавацый і інфармацыйнага грамадства".