Фота: www.grodnonews.by

Прадпрыемствы Гродзенскай вобласці прадставяць прадукцыю на выставе ў кітайскай правінцыі Ганьсу. Дэлегацыя беларускага рэгіёну накіравалася з афіцыйным візітам у Кітай. Запланавана падпісанне пагаднення аб супрацоўніцтве ў сферы будаўніцтва эканамічнага пояса Шаўковага шляху паміж СЭЗ “Гроднаінвест” і ўпраўленнем камерцыі правінцыі Ганьсу. На выставе ў горадзе Ланьчжоў будуць прадстаўлены прадпрыемствы, якія маюць патэнцыял для павелічэння паставак на кітайскі рынак: “Беллакт”, “Біякам”, шклозавод “Нёман” і іншыя. Дарэчы, прэзентацыю ў Кітаі яны пачалі крыху раней: патэнцыяльным пакупнікам сваю прадукцыю вытворцы дэманструюць у Пекіне.