фота: www.mfa.gov.by

       Пастаянны прадстаўнік Беларусі пры ААН Андрэй Дапкюнас на спецыяльным пасяджэнні Эканамічнага і сацыяльнага савета гэтай арганізацыі ў Нью-Ёрку заклікаў больш задзейнічаць ў глабальным развіцці патэнцыял краін з сярэднім узроўнем даходу. Для гэтага, паводле яго слоў, неабходны асобны скаардынаваны механізм узаемадзеяння ўсіх элементаў сістэмы. На прыкладзе вопыту Беларусі Андрэй Дапкюнас адзначыў, што далейшы прагрэс менавіта ў краінах з сярэднім узроўнем даходу пакажа, наколькі паспяховым будзе выкананне прынятага на саміце ААН у мінулым годзе парадку дня ўстойлівага развіцця. У адпаведнасці з класіфікацыяй Сусветнага банка, да катэгорыі з сярэднім узроўнем даходу адносяцца больш за сто краін свету. Беларусь уваходзіць у верхнюю, найбольш развітую катэгорыю. У гэтых краінах пражывае большасць насельніцтва планеты.