Беларусь заклікае аднавіць стратэгічнае адзінства краін АБСЕ. Гэта заявіў пастаянны прадстаўнік нашай краіны пры арганізацыі Валерый Варанецкі на спецыяльным пасяджэнні пастаяннага савета АБСЕ. Па словах беларускага дыпламата, краінам неабходна адмовіцца ад блокавага і санкцыйнага мыслення, спроб умацавання ўласнай бяспекі за кошт бяспекі іншых. Узаемадзеянне на пляцоўцы АБСЕ павінна грунтавацца на трох стаўпах - пабудове агульнай бяспекі, павышэнні даверу і кансалідацыі намаганняў у процідзеянні сучасным выклікам. Таксама адной з ключавых задач АБСЕ на бліжэйшую перспектыву Беларусь лічыць дасягненне міру ва Украіне. Дарога да трывалага і ўстойлівага міру ляжыць праз поўнае і добрасумленнае выкананне ўсімі бакамі мінскіх дамоўленасцей, - адзначыў Валерый Варанецкі. Беларусь гатова і ў далейшым аказваць садзейнічанне мінскаму мірнаму працэсу, забяспечваць неабходныя ўмовы для знаходжання ў нашай краіне каля 130 тыс. украінцаў, вымушаных бегчы ад вынікаў гэтага канфлікту.