У карагод вакол навагодняй ёлкі разам з выхаванцамі Бярозкаўскай сада-школы стаў міністр юстыцыі Беларусі Алег Сліжэўскі. У навучальнай установе прайшоў карнавал. Госці прывезлі ў падарунак кожнаму навучэнцу ласункі. І не толькі... Сапраўдным сюрпрызам стаў мікрааўтобус ГАЗЕЛЬ для падарожжаў, экскурсій і паездак на прадметныя алімпіяды. У Гомелі Дзед Мароз дастаўляе пасылкі цяжкахворым дзяцям і ветэранам. Сувеніры для іх рабілі выхаванцы розных творчых гурткоў. А прадстаўнікі дзіцячага парламента разам з супрацоўнікамі пошты два тыдні складалі спісы тых, каму напярэдадні свята неабходна асаблівая ўвага. Галоўная ёлка Віцебскай вобласці сабрала на навагоднім свяце каля тысячы дзяцей з усіх куткоў паўночнага рэгіёна. Запрашэнне на свята атрымалі выдатнікі вучобы, пераможцы алімпіяд і конкурсаў. Таксама ўдзельнікамі свята сталі дзеці са шматдзетных і малазабяспечаных сем'яў, тыя, хто застаўся без апекі бацькоў. Разам з Дзедам Марозам і Снягуркай госці адправіліся ў казачнае падарожжа па краіне Оз.
تم إعداد قضية المعلومات على أساس المواد الراديو البيلاروسية الخاصة، وكالة المعلومات بيلتا ومصادر أخرى.