фото:www.kremlin.ru

        Генасамблея ААН прыняла рэзалюцыю аб барацьбе з гераізацыяй нацызму, - паведамляе Радыё ААН у афіцыйным акаўнце ў Twitter. Сааўтарам рэзалюцыі выступіла Беларусь. Дакумент прыняты большасцю галасоў, ён атрымаў падтрымку 133 краіны, 49 - устрымаліся, 4 - выступілі супраць (ЗША, Канада, Украіна і Палау). У рэзалюцыі адзначаецца занепакоенасць у сувязі з распаўсюджваннем у многіх частках свету розных экстрэмісцкіх палітычных партый, рухаў і груп, павелічэннем ў шэрагу нацыянальных і мясцовых парламентаў колькасці месцаў, якія займаюць партыі расісцкага або ксенафобскага характару. Генасамблея выказвае заклапочанасць з-за спроб апаганьвання і разбурэння помнікаў у памяць пра тых, хто змагаўся супраць нацызму ў гады Другой сусветнай вайны. Дакумент «безумоўна асуджае любое адмаўленне або спробу адмаўлення Халакосту».