Пасольства Пакістана адкрыецца ў Беларусі да канца года. Пра гэта паведаміў начальнік упраўлення Азіі, Аўстраліі і Акіяніі МЗС Беларусі Андрэй Грынкевіч. Па словах дыпламата, візіт Прэзідэнта Беларусі ў Пакістан ў гэтым годзе даў магутны імпульс развіццю двухбаковых адносін па ўсіх напрамках. Пасольства Беларусі ў Пакістане было адкрыта ў лістападзе мінулага года. Андрэй Грынкевіч адзначыў, што Пакістан для Беларусі з'яўляецца вельмі перспектыўным рынкам. Таксама стала вядома, што краіны абмяркоўваюць стварэнне сумесных прадпрыемстваў у галіне машынабудавання, нафтахіміі і дрэваапрацоўкі.
Нагадаем, прэм'ер-міністр Пакістана Наваз Шарыф 10-12 жніўня наведае з афіцыйным візітам Беларусь. Чакаецца, што ён правядзе шэраг афіцыйных сустрэч, наведае машынабудаўнічыя прадпрыемствы.Адбудуцца перамовы з Прэзідэнтам Беларусі Аляксандрам Лукашэнкам. Наваз Шарыф таксама выступіць з кароткай лекцыяй перад студэнтамі і выкладчыкамі Беларускага дзяржаўнага ўніверсітэта. У дні візіту пройдзе Беларуска-пакістанскі бізнес-форум.