Прэзідэнт Беларусі прапануе Індыі скарыстацца бесперашкодным выхадам на рынак Еўразійскага эканамічнага саюза пры адкрыцці вытворчасцей у Беларусі. Аб гэтым кіраўнік дзяржавы заявіў на беларуска-індыйскім бізнес-форуме. Аляксандр Лукашэнка лічыць, што Беларусь і Індыя могуць узмацніць узаемадзеянне ў прамысловасці, энергетыцы, лагістыцы, сувязі, бія- і нанатэхналогіях. Беларускі бок зацікаўлены таксама ў развіцці сумесных вытворчасцей у галіне фармакалогіі, інфармацыйных і камунікацыйных тэхналогій. Прэзідэнт падкрэсліў, што асаблівае значэнне Беларусь надае супрацоўніцтву на ўзроўні рэгіёнаў. На яго думку, такое ўзаемадзеянне дасць магчымасць напаўняць двухбаковыя гандлёва-эканамічныя сувязі новым зместам. Кіраўнік дзяржавы выказаў надзею, што бізнес-форум будзе карысным для ўсіх удзельнікаў, а яго вынікам стане з'яўленне новых, цікавых і ўзаемавыгадных праектаў.