Калекцыя жаночых нацыянальных упрыгажэнняў упершыню за 30 гадоў была прадстаўлена ў вітрынах Нацыянальнага гістарычнага музея Беларусі. Брошкі, падвескі, завушніцы, бранзалеты, галаўныя ўборы - некалькі дзясяткаў эксклюзіўных рэчаў. Створаныя з серабра і мельхіёру, яны аздоблены каляровым шклом, сердалікам і чаканным узорам. Узрост некаторых камплектаў больш за 100 гадоў, а вага дасягае 40 кг. Экспазіцыя ўвайшла ў праграму Дзён культуры Туркменістана, якія прымае Беларусь. Этнаграфічная выстава прыехала з Марыйскага велаяцкага гісторыка-краязнаўчага музея.
        Дарэчы, Нацыянальны гістарычны музей Беларусі і Марыйскі велаяцкі гісторыка-краязнаўчы музей Туркменістана падпісалі мемарандум аб супрацоўніцтве. Дакумент дасць магчымасць абменьвацца выставамі, а таксама праводзіць стажыроўкі.