Беларусь завяршыла ўнутрыдзяржаўныя працэдуры па ратыфікацыі пагаднення аб рэадмісіі з Расіяй, паведамляе БЕЛТА. Пагадненне датычыцца не толькі грамадзян Беларусі і Расіі, але і трэціх краін. Яно рэгулюе парадак вяртання, прыёму і перадачы асоб, якія знаходзяцца на тэрыторыі беларускага і расійскага бакоў у парушэнне дзеючага парадку ўезду і знаходжання замежных грамадзян і асоб без грамадзянства. Беларускі бок раней падпісаў такія пагадненні з Казахстанам і Турцыяй. Акрамя таго, Беларусь практычна ўзгадніла тэкст пагаднення па рэадмісіі з Еўрасаюзам.