Беларусь заклікае ААН рашуча рэагаваць на спробы адрадзіць ідэалогію нацызму.

           Беларусь заклікае ААН рашучым чынам рэагаваць на спробы адрадзіць ідэалогію нацызму. Такую пазіцыю ў дыскусіі Генеральнай Асамблеі ААН па пытанні ліквідацыі расізму, расавай дыскрымінацыі, ксенафобіі і звязанай з імі нецярпімасці ў межах 68- й сесіі Генасамблеі ААН, агучыла прадстаўнік упраўлення глабальнай палітыкі і гуманітарнага супрацоўніцтва МЗС Беларусі Таццяна Ляшкова. Беларускі дыпламат выказала заклапочанасць распаўсюджваннем ў многіх частках свету неанацысцкіх груп і аналагічных экстрэмісцкіх рухаў, а таксама спробамі перагляду вынікаў Другой сусветнай вайны. Таццяна Ляшкова расказала ўдзельнікам мерапрыемства пра намаганні беларускай дзяржавы па забеспячэнню міжнацыянальнай і міжканфесійнай згоды і стварэнні ўмоў для недапушчэння ў краіне расавай дыскрымінацыі і канфліктаў на этнічнай і канфесійнай глебе.